Невиност (2021)

Приказна за обичен живот на една обична мајка и навидум обична ќерка. Нивната судбина ја запечатува една трагедија и момент кога ќерката Ела е пронајдена скоро мртва, фрлена на пат, искористена, злоупотребена. Од тој момент, започнува период во кој вистината ќе биде измешана со лагата, а невиноста отвора сомнеж за што навистина се има случено.

Бахар, мајката на Ела го обвинува Илкер за тоа што ѝ се случило на нејзината ќерка. Бахар знае дека Ела несвесно и неконтролирано се заљубила во тој човек кај кого стажирала, иако тој бил верен со друга девојка. Тајкунот Илкер завршува во затвор, непосредно пред неговата венчавка. Од една страна ја гледаме Бахар, која нема да бира средства да се избори за правда за својата ќерка и да ја докаже вината на Илкер, а од друга страна е мајката на Илкер, Хале која како лавица ќе го брани синот од нападите насочени кон него. Манипулациите на корумпираното семејство на Илкер добиваат на интензитет, а Ела е таа која повторно станува жртва на сопствената невиност и разумност во една таква битка по докази.

Улоги : Hülya Avşar (Хале), Mehmet Aslantuğ (Харун), Deniz Çakır (Бахар), Tolga Güleç -(Тимур), İlayda Alişan (Ела)​

Извор: tvpaket.com.mk