Црно бела љубов (2017)

Ферхат е човек кој заборавил да сака. Тој е исполнет со гнев, темни мисли и подготвен да одземе дури и човечки животи. Асли е докторка. Нејзиното срце е полно со љубов. Го посветила својот живот во помош на другите, во лекување на болните. И оној момент кога ќе се сретнат Ферхат и Асли е момент кога се спојуваат небото и земјата. Северот и југот. Водата и огнот. Доброто и злото. Едниот одзема животи, другиот од нив дава живот. И меѓу тие два сосема различни света се раѓа љубов која е толку невозможна како онаа на Сонцето и Месечината и толку различна како црната и белата боја.

На Ферхат му треба лекар за да му го спаси животот на човекот што го следи и во кој пукал. Од тој човек Ферхат очекува одговори и затоа му е потребен жив. А за да остане жив, му треба Асли за да го спаси. Асли е киднапирана и однесена на едно место каде треба да го лекува повредениот, но тогаш таа ќе стане сведок на нешто што не требаше никогаш да го види. Озогласениот Намик, вујко на Ферхат и татко на мафијата, за кого сите мислат дека е добродушен човек со ангелско срце, всушност е убиец. Тој го убива повредениот, а Асли го гледа тоа пред своите очи. Од тој момент, таа си ја потпишува смртната казна затоа што господинот Намик му наредува на Ферхат под итно да се ослободи од девојката.

Но, наместо да ја убие, Ферхат ѝ дава уште една шанса. Но, слободата секогаш има цена, а овојпат Асли ќе мора да ја плати најскапата. Предлогот на Ферхат е или да ја убие, или да се омажи за него. Асли сака да живее и затоа одлучува да го одбере она другото, да се омажи за Ферхат. Стравот прераснува во омраза, а омразата постепено во љубов. Меѓу љубовта и омразата е линијата на прошката. Кога таа би се поминала, тоа би значело живот за оваа страст.

Улоги : İbrahim Çelikkol (Ферхат), Birce Akalay (Асли), Muhammet Uzuner (Намик), Arzu Gamze Kılınç (Јетер) и др.​

Извор: tvpaket.com.mk