Подарено Срце (2016)

Назли е млада девојка, весела и секогаш оптимист во животот, и покрај срцевата болест со која живее. За да се спаси нејзиниот живот е потребна трансплатација на срце, а доколку тоа набрзо не се случи, на убавата девојка ѝ претстои смрт. Во меѓувреме, за да му помогне на своето семејство, таа продава колачи на улица и на тој начин заработува. Еден ден, на истанбулските улици го запознава богатиот бизнисмен Фират и двајцата се вљубуваат еден во друг. Тој ја внесува во светот на богатите, каде освен гламур и пари, владее и криминал и опасни игри во кои ривалите сакаат да го убијат и тргнат Фират од патот. 

И покрај љубовта која ја чувствува кон Фират, сепак Назли живее со страв дека набрзо ќе умре и ќе заврши нивната приказна. Откако доаѓа моментот кога ќе ѝ се слоши, сите мислат дека смртта е на прагот. Но, денот кога срцето на Назли полека престанува да чука, нејзиниот татко прави неверојатен чекор за да ја спаси ќерката. Тој, инаку возач на мајката на Фират, прави намерна сообраќајка како мајката на Фират би умрела и на тој начин, би се донирало нејзиното срце на Назли. Со тоа убиство, неговата ќерка добива ново подарено срце, а тајната за срцето набрзо ќе биде откриена.

Улоги : Caner Cindoruk (Фират), Gizem Karaca (Назли), Rıza Kocaoğlu (Џемил), Naz Elmas (Сибел), Derya Alabora (Муала) и др.​

Извор: tvpaket.com.mk