Сеќавања (2024)

Умут e млад човек кој потекнува од сиромашна населба, но поседува неверојатна способност - хипертимезија, состојба поради која може со исклучителна прецизност да се сети на речиси секој момент и секој детаљ од својот живот. Неговиот необичен дар добива сосема поинакво значење кога неговото семејство ќе биде погодено од трагедија. Татко му Риза е обвинет за убиство што не го извршил, а поради Алцхајмеровата болест не е во состојба ниту да се брани, ниту јасно да се сети на настаните што би можеле да ја докажат неговата невиност. Убеден дека татко му е жртва на неправда, Умут започнува сопствена борба за вистината. Покрај него се Алев, млада студентка по право која му дава безрезервна поддршка, и Харун, мистериозен адвокат чии вистински намери не се секогаш лесни за откривање. Во центарот на случајот се наоѓа Феџир Демиркиран, син на исклучително моќно семејство и озогласен лик во истанбулскиот живот. Богатството и влијанието на неговото семејство му овозможуваат да остане недопирлив, додека Умут постепено открива свет во кој парите и моќта можат да ја искриват вистината и да уништат невини животи. Обидот да го спаси татко му го вовлекува Умут во опасна игра исполнета со тајни, предавства и неочекувани откритија. Кулминацијата доаѓа за време на судењето, кога едно болно предавство целосно ќе го промени текот на неговиот живот.

Пет години подоцна, Умут повеќе не е беспомошното момче кое се обидувало некој да го слушне. Тој станал успешен и способен адвокат, а неговата извонредна меморија сега е едно од неговите најсилни оружја. Има две цели: да го исчисти името на својот татко и да им се одмазди на луѓето што го уништиле неговото семејство. Умут намерно презема случаи преку кои може да му ги наруши плановите на Феџир и постепено повторно влегува во војна со моќното семејство Демиркиран.

Улоги: Ekin Koç, Serra Arıtürk, Ozan Güven, Burak Yörük, Hande Ataizi, Hande Doğandemir

Извор: tvpaket.com.mk​